पिंपळवंडी (पुणे) : जुन्नर तालुक्‍यातील पिंपळवंडी येथे कुकडी नदीत पोहण्यासाठी गेलेल्या एका सोळा वर्षीय मुलाचा पाण्यात बुडून मृत्यू झाला. राहुल अशोक बिट्टे, असे त्याचे नाव आहे.
पिंपळवंडी येथील भटकळवाडीत मूळचे बीड येथील असलेले अशोक बिट्टे हे गेल्या अनेक वर्षांपासून येथील एका शेतकऱ्याची शेती करत आहेत. ते व त्यांचे कुटुंबीय आज दुपारी दोन वाजण्याच्या सुमारास लेंडे मळा येथे कुकडी नदीला लागून असलेल्या शेतात काम करत होते. त्यावेळी त्यांचा मुलगा राहुल हा आपल्या मावस भावासमवेत कुकडी नदीत पोहण्यासाठी गेला होता.
पुण्याच्या इतर बातम्या वाचण्यासाठी येथे क्लिक करा
राहुल हा त्याच्या जवळ असलेल्या ट्यूबच्या साहाय्याने नदीत पोहत होता. मात्र, त्यावेळी अचानक ट्यूब उलटली व तोल जाऊन तो पाण्यात पडला. त्यावेळी त्याच्यासमवेत असलेल्यांनी आरडाओरडा केला. त्या ठिकाणी स्थानिक नागरिक जमा झाले व त्यांनी राहुल याला पाण्याबाहेर काढले. परंतु, तोपर्यंत त्याचा मृत्यू झाला होता. याबाबत आळेफाटा पोलिसांनी घटनास्थळी भेट देऊन पंचनामा केला असून, पुढील तपास पोलिस करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.