Pune Accident : पुण्यातील झेड ब्रिज जवळ मोठा अपघात झाला आहे. नारायण पेठ परिसरात घडलं हिट अँड रन, चारचाकी वाहनाने 3-4 वाहनांना उडवत पादचाऱ्यांना दिली धडक यामध्ये 2 रिक्षांचा समावेश या अपघातात एक जणाचा जागीच मृत्यू तर ३ ते ४ जण जखमी झाले आहेत. नारायण पेठ पोलीस चौकीकडून चारचाकी वाहन Z- ब्रिजकडे आले व इतर गाड्यांना जोरदार धडक दिली. मद्यपान केलेल्या चालकाला पोलिसांनी ताब्यात घेतलं आहे.

आरोपींना संभाजी पोलीस चौकीत बसवलं आहे. दोघेही एकाच गाडीत होते यातील एक जण गाडी चालवत होता तर दुसरा त्याच्या बाजूला होता, दोघेही दारूच्या नशेत होते. पाेलीसांनी दिलेल्या माहितीनुसार उमेश हनुमंत वाघमारे (वय 48) असे वाहन चालकाचे नाव तर नटराज बाबुराव सूर्यवंशी (वय 44) असे गाडीमालकाचे नाव आहेत.