घोडेगाव (पुणे) : आंबेगाव तालुक्यातील शिनोली व पिंगळवाडी या प्रतिबंधीत क्षेत्रातील नागरिक इतरत्र विनाकारण फिरणाऱ्यांवर घोडेगाव पोलीसांनी कायद्याचा बडगा उगारला आहे.

बारावीचा अभ्यासक्रम बदललाय; असे झाले बदल...

पिंगळवाडी येथील शंकर श्रीपती खुटाण यांना कुटुंबासह होम क्वारंटाइन केले असतांनाही ते विनाकारण फिरत होते. तसेच, शिनोली येथील राजू इनामदार व जिगर बोऱ्हाडे हे शिनोली गावच्या हद्दीत विनाकारण फिरताना दिसले. या तिघांच्या विरोधात घोडेगाव पोलिसांनी संचारबंदीचे उल्लंघन व संसर्गजन्य रोगाचा प्रादुर्भाव होईल असे कृत्य केल्याचा गुन्हा दाखल केला आहे. 

पुणे महापालिकेतील पदाधिकारी महिलेचा कोरोना रिपोर्ट समोर; रिपोर्टमध्ये...

शिनोली येथे कोरोनाबाधित रूग्ण आढळल्याने प्रशासनाने हे गाव प्रतिबंधात्मक क्षेत्र म्हणून घोषित केले आहे. तरीही जिगर बोऱहाडे ही व्यक्ति विनाकारण एसटी बसस्थानक परिसरात फिरत असल्याने त्याच्यावर घोडेगाव पोलीस ठाण्यात गुन्हा दाखल करण्यात आला आहे. तसेच, शिनोली येथील राजू इनामदार यांच्यावरही हा गुन्हा दाखल करण्यात आला आहे.

पुण्यातल्या शास्त्रज्ञांची आणखी एक भरारी; अवकाशातील दुर्मिळ घटना टिपली!

पिंगळवाडी येथील मच्छिंद्र खुटाण हा पत्नी व दोन मुलांसह मुंबई (घाटकोपर) येथून पिंगळवाडी येथे 18 मे रोजी आला होता. या सर्व कुटुंबाला 14 दिवस होम क्वारंटाइन करण्याची नोटीस बजावण्यात आली होती. तरीही कुटुंबातील शंकर श्रीपती खुटाण हे विनाकारण आपल्या दुचाकी गाडीवरुन पिंगळवाडी, घोडेगाव, मंचर या परिसरात फिरुन आले. घोडेगाव पोलिसांनी त्याच्याविरुध्द गुन्हा दाखल केला असल्याचे सहायक पोलीस निरीक्षक प्रदिप पवार यांनी सांगितले.

बाहेरुन येणाऱ्या व्यक्तींना सक्तीने संस्थात्मक क्वारंटाइन करावे, अशी मागणी नागरिक करीत आहेत. याबाबत प्रशासनाने योग्य ती दखल घ्यावी, अशी अपेक्षा ग्रामस्थ करत आहेत.