अकलूजमधील शिबिरात ७५ जणांचा सहभाग
अकलूज ता. २० : मराठा व्यावसायिक कल्याणकारी संघ आयोजित रक्तदान शिबिरात ७५ हून अधिक तरुणांनी व नागरिकांनी रक्तदान केले. विजय चौक येथे घेतलेल्या शिबिराचा शुभारंभ उपनगराध्यक्ष शिवतेजसिंह मोहिते-पाटील यांच्या हस्ते करण्यात आला.
यावेळी नगरसेवक सयाजीराजे मोहिते पाटील, क्रांतिसिंह माने-पाटील, ईशीता मोहिते-पाटील, सहायक पोलिस निरीक्षक विक्रम साळुंखे, व्यापारी संघाचे अध्यक्ष ॲड. नितीन खराडे, उपाध्यक्ष विशाल गोरे, ज्येष्ठ संचालक डॉ.राजीव राणे, नवनाथ सावंत, कृषी पर्यवेक्षक उदय साळुंखे, ज्ञानदीप ब्लड सेंटरचे डॉक्टर व कर्मचारी उपस्थित होते. मराठा व्यापारी संघाच्या वतीने निराधार पालकत्व हरवलेल्या मुलांना शैक्षणिक साहित्य वाटप, दिवाळीमध्ये निराधार महिलांना साडी दिवाळीचे सुगंधी उटणे ,साबण,पणती आणि फराळ वाटपासह अनेक सामाजिक कार्य केली जातात. कार्यक्रम यशस्वितेसाठी गणेश महाडिक, सी. ए. विक्रांत माने देशमुख, योगेश देशमुख, विठ्ठल गायकवाड, जगदीश कदम, कुंडलिक गायकवाड, राम चव्हाण यांनी परिश्रम घेतले.