पुणे : साडेतीन मुहुर्तांपैकी एक असलेल्या अक्षय्य तृतीयेला सोने खरेदीचे अनन्यसाधारण महत्त्व आहे. त्यामुळे यंदा मागील वर्षाच्या तुलनेत भावात २० टक्के वाढ असतानाही नागरिकांनी सोने खरेदीसाठी गर्दी केली होती.
शनिवार आणि त्याचबरोबर सार्वजनिक सुटीमुळे सकाळपासूनच ग्राहकांनी पेठांमध्ये सोने खरेदीसाठी गर्दी केली होती. वर्षभर खरेदीचा आनंद अक्षय्य राहावा म्हणून मुहुर्त साधणाऱ्या पुणेकरांनी मागील वर्षाच्या तुलनेत यंदा ५ टक्के अधिक सोने खरेदी केल्याचा अंदाज वर्तविण्यात येत आहे.
मागील वर्षी अक्षय्य तृतीयेला ५० हजार ८०० रूपयांवर असलेले सोने यंदा ६१ हजार रूपये प्रती तोळ्यावर येवून पोचले आहे. त्यामुळे सर्वसामान्य ग्राहकांच्या दृष्टीने ही दरवाढ आवाक्याबाहेर होती. सोन्याचे दर गगनाला भिडले असल्याने अनेक ग्राहकांनी कमी प्रमाणात का होईना सोने खरेदी करून हा मुहूर्त साधण्याचा प्रयत्न केला आहे.
त्यात ईद आणि अक्षय्य तृतीया एकत्र आल्याने बाजारपेठांमध्ये गर्दी पाहायला मिळाली. विशेष करून लक्ष्मी रस्त्यावरील सोन्या मारुती चौकातील सराफ बाजार गजबजून गेला होता. सराफ व्यावसायिकांनी जाहीर केलेल्या विविध आकर्षक सवलतींचा लाभ नागरिकांनी घेतला.
मागील वर्षाच्या तुलनेत यंदा सोन्याचे भाव जवळपास २० टक्क्यांनी वाढले होते. परंतू, चांगल्या मुहुर्तावरील खरेदीसाठी ग्राहकांनी सकाळपासूनच गर्दी केली होती. कमी वजनाच्या दागिन्यांसह नैसर्गिक हिरे, १८ आणि २४ कॅरेटच्या दागिण्यांना विशेष मागणी होती. पाच वर्षांत जवळपास दुप्पट परतावा देणाऱ्या सोन्याकडे नागरिक सुरक्षित गुतंवणूक म्हणून पाहत आहे. यंदा रूपयांमध्ये होणारी उलाढाल २५ टक्क्यांनी वाढेल असा अंदाज आहे.
- अमित मोडक, मुख्य कार्यकारी अधिकारी, पीएन गाडगीळ ॲन्ड सन्स
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.