पुणे : पुण्याचे तडफदार जिल्हाधिकारी नवल किशोर राम यांची पंतप्रधान नरेंद्र मोदी यांच्या कार्यालयात उपसचिव म्हणून नियुक्ती झाली आहे. पुण्यातून पंतप्रधान कार्यालयात पोचणारे नवल किशोर राम हे तिसरे अधिकारी ठरले आहे. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

नवल किशोर राम हे 2008 च्या बॅचचे भारतीय प्रशासकीय सेवेतील (आयएएस) अधिकारी आहेत. सुमारे दोन वर्षांपूर्वी त्यांची पुण्यात जिल्हाधिकारी पदावर नियुक्ती झाली होती. केंद्र सरकारमधील संचालक जे. श्रीनिवासन यांनी राज्याच्या मुख्य सचिवांना या बाबतचा आदेश आज (4 ऑगस्ट) रोजी पाठविला. नवल किशोर चार वर्षांसाठी राज्यातून आता प्रतिनियुक्तीवर केंद्र सरकारमध्ये जात आहेत. 

पुण्यात नोंदणी महानिरीक्षक आणि पीएमपीचे अध्यक्ष, व्यवस्थापकीय संचालक असलेले डॉ. श्रीकर परदेशी यांची चार वर्षांपूर्वी पंतप्रधान कार्यालयात नियुक्ती झाली होती. पुण्यात महापालिका आयुक्त पदावर असताना कुणाल कुमार यांची केंद्र सरकारमध्ये स्मार्ट सिटी मिशनमध्ये संचालक म्हणून नियुक्ती झाली आहे. आता पाठोपाठ नवल किशोर राम यांची नियुक्ती झाली आहे.

पुण्यात बसची वाट पाहत होती महिला, लिफ्ट देतो म्हणाला आणि 

पुणेकरांनो, शक्यतो घरातच राहा! बाहेर जाणार असला तर, महत्त्वाची बातमी वाचा

कोरोनाचे देशात सर्वाधिक रुग्ण पुण्यात असताना, नवल किशोर राम यांनी परिस्थिती सक्षमतेने हाताळली. त्याची दखल केंद्र सरकारने घेतली आहे. नवल किशोर राम यांची आता बदली झाल्याने पुण्यात जिल्हाधिकारी कोण, हा प्रश्न निर्माण झाला आहे. राज्य सरकार त्या बाबतचा आदेश बुधवारी सायंकाळपर्यंत देईल, असे प्रशासकीय सूत्रांनी सांगितले.  तरुण, तडफदार अधिकारी म्हणूनही नवल किशोर राम यांची ओळख आहे. पुण्यात पाकिस्ताून आलेल्या सिंधी समाजातील सुमारे 700 नागरिकांना भारतीय नागरिकत्त्व देण्यात नवल किशोर राम यांनी पुढाकार घेतला होता. 

- Breaking : हॉटेल, लॉज, मॉल्सबाबत महापालिकेने घेतला महत्त्वाचा निर्णय; वाचा सविस्तर बातमी​

पिस्तुलाचा धाक दाखवत महिलेला जीवे मारण्याची दिली धमकी; जगताप, बऱ्हाटेविरुद्ध पाचवा गुन्हा दाखल!