हडपसर- सामान्यांसाठी स्ट्रॉबेरी खायला मिळणे तसे दुरापास्तच, अस्तित्व कलामंचाने महोत्सवाद्वारे ही संकल्पना राबवून अनाथाश्रममातील चिमुकले व वृध्दाश्रमातील निराधार ज्येष्ठांना ही पर्वणी मिळवून दिली. त्यांनी ही स्ट्रॉबेरी खान्याचा मनमुराद आनंद घेत समाधान व्यक्त केले.

आस्तित्व कला मंच वेळोवेळी विविध उपक्रमाद्वारे वंचित घटकांच्या चेहऱ्यावर आनंद पसरविण्याचे काम करीत असते. हडपसर परिसरातील अनाथ मुले व बांधकाम कामगारांची मुले व निरा ज्येष्ठांना संस्थेनी स्ट्रॉबेरी देवून त्यांना आनंद देण्याचे काम केले.

तुकाई टेकडी येथील शंभूराजे अनाथालय, वडकी येथील श्री परशुराम आबाजी जगताप अनुजाती प्राथमिक व माध्यमिक निवासी आश्रमशाळा, ठिकठिकाणचे लेबर कॅम्प, गंगा तारा वृद्धाश्रम आदी ठिकाणी संस्थेने स्ट्रॉबेरी मोहसत्व आयोजित केला होता.

अनाथांना स्ट्रॉबेरीचा खाण्याचा आनंद मिळावा म्हणून प्रगतशील शेतकरी सोमनाथ शिंदे यांनी ना नफा ना तोटा तत्त्वावर संस्थेला स्ट्रॉबेरी उपलब्ध करून दिली. संस्थेच्या सदस्या डॉ अश्विनी शेंडे यांनी ही संकल्पना मांडली.

सदस्य योगेश गोंधळे, अश्विनी सुपेकर, धनश्री कुलकर्णी यांच्यासह अविनाश कीर्ती, श्रीकृष्ण भिंगारे, सुरज कुदळे, प्रमोद अय्या, धीरज दरवडे, वैशाली वाघमारे, नीता तारु, क्रांती चटके, लक्ष्मी घुले, हेमांगी ठाकूर, अनिता कावरे, सोनाली मुसळे, शीतल परमार, काजल माने, श्रुतिका क्षीरसागर, विजय तारु यांनी या उपक्रमाचे संयोजन केले.