पुणे-सातारा रस्त्याची मोठ्या प्रमाणात दुरवस्था झाली आहे. याबाबत सकाळने वृत्त दिल्यानंतर खासदार सुप्रिया सुळे यांनीही रस्त्याची दुरुस्ती करण्याची मागणी सरकारकडे केली होती.
कात्रज - पुणे-सातारा रस्त्याची मोठ्या प्रमाणात दुरवस्था झाली आहे. याबाबत सकाळने वृत्त दिल्यानंतर खासदार सुप्रिया सुळे यांनीही रस्त्याची दुरुस्ती करण्याची मागणी सरकारकडे केली होती. मात्र, त्यानंतर निकृष्ट दर्जाचे डांबर टाकून रस्ता दुरुस्त करण्याचे काम केले होते. मात्र, केवळ १५ दिवसात रस्त्यावरील डांबर उलथून रस्त्याची दुरवस्था झाली असल्याने नागरिकांतून नाराजी व्यक्त होत आहे.
नागरिक आणि वाहनचालक हैराण झाले असून रस्त्यांची अक्षरशा चाळण झाली आहे. त्यामुळे लवकरात लवकर हा रस्ता दुरुस्त करण्याची मागणी करण्यात येत आहे. त्याचबरोबर रस्त्याची दुरुस्ती करताना त्याचे काम निकृष्ट होऊ नये याची काळजी घेण्याची मागणीही होत आहे. या खड्ड्यांमुळे अपघातांच्या घटनेत वाढ झाल्याचे दिसून येते. खड्डे बुजविण्यात आले.
परंतु, ते काम अत्यंत निकृष्ट दर्जाचे झाल्याने त्याचा काहीच फायदा झाला नसल्याचे नागरिकांचे म्हणणे आहे. याबाबत सार्वजनिक बांधकाम विभागाचे शाखा अभियंता देवेन मोरे यांच्याशी संपर्क केला असता त्यांनी प्रतिसाद दिला नाही.
प्रतिक्रिया
खड्ड्यांमुळे गाड्या लेन क्रॉस करून विरुद्ध लेनला जातात आणि वाहतूक कोंडीत भर पडते. अवजड वाहने बस यांची संख्या रस्त्यावर जास्त आहे. त्यामुळे निकृष्ट दर्जाचे काम केल्यास लगेच दुरवस्था होते. खड्ड्यांमुळे असल्यामुळे वारंवार अपघात होत आहेत.
- विकास सुर्यवंशी, स्थानिक नागरिक
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.