Bajaj Allianz Pune Half Marathon 2023 : पोलिस कमिशनर कप हे बजाज अलियान्झ पुणे हाफ मॅरेथॉन या शर्यतीचे वैशिष्ट्य राहिले आहे. यंदा या विभागाला अभूतपूर्व असाच प्रतिसाद मिळाला आहे. राज्यभरातील संख्या एक हजारच्या घरात गेली आहे.

याविषयी सहाय्यक पोलिस उपनिरीक्षक प्रवीण घाडगे यांनी सांगितले की, पुणे शहर पोलिस, नगर, छत्रपती संभाजीनगर, बुलडाणा, जालना, कोल्हापूर, मुंबई शहर, मुंबई रेल्वे, नागपूर शहर, नांदेड, नंदुरबार, नाशिक, नवी मुंबई, सांगली, सातारा, सोलापूर, राज्य राखीव पोलिस दल, पुणे या संघांनी भाग घेतला आहे.

दृष्टिक्षेपात

• एकूण धावपटू : ९६५

• पुणे विभाग : ७२५

• इतर जिल्हे : २४०

• पुरुष : ७१०

• महिला : २५५

‘सकाळ’तर्फे आयोजित पुणे हाफ मॅरेथॉनमध्ये दरवर्षी पुणे शहर पोलिस दलाचा सहभाग असतो. यंदाही सलग चौथ्यांदा हाफ मॅरेथॉनमध्ये पुणे शहर पोलिस दलासह राज्यभरातून पोलिस अधिकारी, कर्मचारी मोठ्या प्रमाणावर सहभागी होत आहेत.

पोलिसांवर कामाचा अधिक ताण असतो. समाजाचे आरोग्य सुदृढ राखण्यासाठी पोलिसांचे स्वास्थ्यही चांगले राहणे महत्त्वाचे आहे. पोलिसांमध्ये सकारात्मक ऊर्जा निर्माण होण्यासह उत्तम आरोग्यासाठी पुणे हाफ मॅरेथॉनचा निश्चितच लाभ होत आहे.

- रितेश कुमार, पोलिस आयुक्त, पुणे