कुरकुंभ- पुणे सोलापूर राष्ट्रीय महामार्गच्या कुरकुंभ ( ता. दौंड ) येथील सेवारस्त्यावर समोरील बाजूने भरधाव वेगात येणार्या चारचाकीने दुचाकीला धडक दिल्याने दुचाकीस्वार गंभीर जखमी झल्याने ठार झाला तर आणखी एक पादचारी जखमी झाला. हा अपघात गुरूवारी ( ता.१६ ) राञी सातच्या सुमारास घडला होता.

कुरकुंभ येथील पुणे सोलापूर महामार्गाच्या इंडियन पेट्रोल पंपाजवळ गुरूवारी राञी सातच्या सुमारास सेवारस्त्यावर सोलापूरकडून येणारी चारचाकी ( एमएच.१४,एफजी.१७७२ ) गाडीने समोरून बाजूने येणार्या दुचाकीला ( एमएच.४२,एनझेड.९१०४ ) जोरात धडक दिली.

या अपघात गंभीर जखमी झाल्याने दुचाकीस्वार बाळू बबन जाधव ( वय ४९, रा. साळुंखेवस्ती कुरकुंभ, ता. दौंड ) यांचा मृत्यू झाला. तर आणखी एका अनोळखी पादचार्याला चारचाकीची धडक बसल्याने जखमी झाले. यासंदर्भात मृत व्यक्तीचा पुतण्या किरण शिवाजी जाधव ( रा. मळद,ता.दौंड ) यांनी पोलिसात फिर्याद दिली.

याप्रकरणी पोलिसांनी अपघातातील चारचाकी चालक विजय नामदेव चव्हाण ( रा. सिध्दीविनायक सोसायटी, फेज १. वारुळवाडी, नारायणगाव ता. जुन्नर जि. पुणे ) याच्याविरूध निष्काळजीपणे भरधाव वेगात वाहन चालवून एक मृत्यू व एक जखमी केल्याप्रकरणी भारतीय दंड संहिता कलम-३०४ (अ). २७९,३३७,३३८,४२७ व मोटर वाहन कायदा कलम १८४ अंतर्गत गुन्हा दाखल करण्यात आला आहे.अपघाताचा पुढील तपास पोलिस करीत आहेत.