पुणे : खडकवासला विधानसभा मतदारसंघातील भाजपचे उमेदवार भीमराव तापकीर यांचे चुलत भाऊ विलास तापकीर यांनी रविवारी काँग्रेसमध्ये प्रवेश केला.

भाजपच्या धनकवडीतील नगरसेविका वर्षा तापकीर यांचे विलास हे पती आहेत. कात्रज जवळील आंबेगावात पुरंदर विधानसभा मतदारसंघातील काँग्रेसचे उमेदवार संजय जगताप यांची रविवारी प्रचार सभा होती. त्यात विलास तापकीर यांनी काँग्रेसमध्ये प्रवेश केला.

महापौरपदासाठी वर्षा यांच्या नावाची काही महिन्यांपूर्वी चर्चा होती. विलास यांच्या प्रवेशामुळे धनकवडीतील भाजप कार्यकर्त्यांना धक्का बसला आहे.