उद्‌घाटन सोहळा उत्साहात; देशभरातून २३ संघांच्या २४० खेळाडूंचा सहभाग 
पुणे - भारतीय शालेय प्रमाणपत्र परीक्षा परिषदेच्या शालेय क्रीडा स्पर्धेचे उद्‌घाटन महाळुंगे बालेवाडी येथील शिवछत्रपती क्रीडा संकुलाच्या लॉन टेनिस मैदानावर झाले. 

ताज्या बातम्यांसाठी डाऊनलोड करा ई-सकाळचे एप

या समारंभाला सीआयएससीईचे अध्यक्ष डॉ. जी. इमॅन्युअल, वित्त उपसचिव अरीजीत बसू, स्कूल गेम्स फेडरेशन ऑफ इंडियाचे विपणन व्यवस्थापक गौरव दीक्षित, महाराष्ट्र गोवा सीआयएससी गेम्सच्या सचिव पेरीन बागली; तसेच पुणे शहरातील आयसीएसई शाळांचे प्राचार्य उपस्थित होते. देशभरातून तेवीस संघांतील २४० खेळाडूंचा सहभाग असलेल्या या स्पर्धा ४ ते ७ डिसेंबर या कालावधीत संपन्न होणार आहेत. महाराष्ट्र सीआयएसई आयोजित या स्पर्धेचे नियोजन बिशप स्कूल कल्याणीनगर व उंड्री यांनी केले 
आहे. या वेळी विविध राज्यांतील सहभागी खेळाडूंनी आपापल्या संघांसह मैदानावर शिस्तबद्ध ध्वजसंचलन केले.