पुणे - विद्यार्थ्यांनी पीएमपी बसचा वापर करण्यासाठी प्रशासनाने शहर आणि पिंपरी चिंचवडमधील सर्व महाविद्यालयांशी संपर्क साधून अभियान राबविण्याचा निर्णय घेतला आहे. त्यातंर्गत महाविद्यालयांत पीएमपीबाबत जागरूकता निर्माण करण्याचे उपक्रम राबविण्यात येणार आहेत.
पीएमपी बसमधून दररोज सुमारे १२ लाख प्रवाशांची वाहतूक होते. त्यात महाविद्यालयीन विद्यार्थ्यांची संख्या सुमारे दीड ते दोन लाख आहे. शालेय विद्यार्थ्यांना पीएमपीतर्फे सवलतीच्या दरातील पास दिले जातात. त्यांचीही संख्या सुमारे दीड लाख आहे; परंतु दोन्ही शहरांत मिळून विद्यार्थ्यांची संख्या सुमारे पाच लाखांपेक्षा जास्त आहे. या सर्व विद्यार्थ्यांना पीएमपी सेवेकडे आकर्षित करण्यासाठी प्रशासनाने प्रयत्न सुरू केले आहेत.
दोन्ही शहरांतील सर्व महाविद्यालयांना प्रशासनाकडून पत्र पाठविण्यात येत आहे.
पीएमपीच्या ताफ्यात नव्या बस येत आहेत. अल्पावधीतच सुमारे ६०० नव्या बसही दाखल होतील. त्यामुळे वातानुकूलित बस उपलब्ध होणार आहेत. त्यासाठी कोणताही जादा तिकीट दर नसेल. याबाबत महाविद्यालयांनीही विद्यार्थ्यांना माहिती द्यावी. तसेच महाविद्यालयाच्या आवारात फ्लेक्‍स लावण्यासाठी परवानगी द्यावी आणि जागरूकता निर्माण करण्यासाठी उपक्रम राबविण्यात सहभाग होण्याचे आवाहन करण्यात येत असल्याची माहिती पीएमपीचे वाहतूक व्यवस्थापक अनंत वाघमारे यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.