चास : धुवोली ( ता. खेड ) येथे बिबट्याने केलेल्या हल्यात अजय चिंतामण जठार हा महाविद्यालयीन तरूण ठार झाला आहे, अजय याने नुकतीच बारावीची परिक्षा दिली होती. या बाबतचे समजलेल्या माहितीवरून धुवोली येथील अजय हा गुरे चारण्यासाठी गेलेला होता व सायंकाळी गुरे घरी घेवून परतत असताना त्याच्यावर बिबट्याने हल्ला करून त्याला ठार केले.

घटनेची माहिती मिळताच वनविभागाची टिम दाखल झाली असून पुढील तपास सुरू आहे. अजयने नुकतीच बारावीची परिक्षा दिलेली असून धुवोलीच्या माजी उपसरपंच सिमा चिंतामण जठार याचा तो मुलगा आहे तर अजयचे वडिल कामानिमीत्त मुंबई येथे आहेत.