विश्रांतवाडी (पुणे) : पुणे शहर काँग्रेस कमिटी
वडगावशेरी मतदार संघ काँग्रेस कमिटी यांच्या वतीने पेट्रोल व डिझेल दरवाढ झाल्याने भाजप सरकार विरोधात आज सकाळी येरवडा येथील गुंजन चौकात आंदोलन करण्यात आले. आंदोलनात पुणे शहर काँग्रेस कमिटी अध्यक्ष रमेश बागवे, महाराष्ट्र काँग्रेस सरचिटणीस अभय छाजेड, मा. नगरसेवक राजेंद्र शिरसाठ, संतोष आरडे, बाबा नायडू, नागेश भालेराव, ज्येष्ठ नेते प्रकाशमामा काळे, पुणे शहर सांस्कृतिक विभाग अध्यक्ष विठ्ठल गायकवाड, महाराष्ट्र उपाध्यक्ष भुजंग लव्हे, पुणे शहर मीडिया अध्यक्ष डॉ. अनिस खान, सुनील थोरात, योगेश देवकर अदी मान्यवर उपस्थित होते.

कोरोनामुळे अनेक व्यवसाय अडचणीत, पण हा व्यवसाय तेजीत

आंदोलनात केंद्र सरकारच्या विरोधात घोषणाबाजी करून रिक्षा व मोटार सायकल ढकलून निषेध करण्यात आला.
या प्रसंगी पेट्रोल व डिझेलची भाववाढ रद्द केली नाही. तर केंद्र सरकार विरोधात पुणे शहरात तीव्र आंदोलन करण्यात येईल असा इशारा पुणे शहर अध्यक्ष रमेश बागवे यांनी दिला. आंदोलनाचे नेतृत्व वडगावशेरी मतदार संघ (येरवडा ब्लॉक अध्यक्ष) रमेश सकट यांनी केले.