कृतिशील संघटनेच्‍या
सभेस प्रतिसाद
सातारा, ता. १ : कृतिशील निवृत्त अधिकारी, कर्मचारी संघटनेची विशेष सभा ज्‍येष्‍ठ नागरिक दिनाच्‍या औचित्‍याने आयोजिण्‍यात आली होती. या सभेत लेखक सुरेश शिंगटे यांनी ज्‍येष्‍ठांना कोणत्‍याही परिस्‍थितीत सतत हसत दुखाला सामोरे जाण्‍याचे आवाहन केले. सभेत उज्‍जीवन बँकेच्‍या वतीने ज्‍येष्‍ठ नागरिकांचा सत्‍कार करण्‍यात आला. या वेळी संघटनेचे डॉ. सुभाष जाधव, महिपती राजपुरे, सदाशिव शिंदे यांचा वाढदिवसानिमित्त सत्‍कारही करत बँकेच्‍या वतीने सभासदांना देण्‍यात येणाऱ्या विविध सेवांची माहिती दिली. सभेवेळी प्रा. डॉ. चंद्रकांत नलवडे, प्रकाश जाधव, ज्ञानेश्‍वर ढाणे, नामदेव यादव, शंकरराव भगत, रामचंद्र रसाळ यांच्‍यासह संघटनेचे इतर पदाधिकारी व सभासद मोठ्या संख्‍येने उपस्‍थित होते.
............

वेणुताई महाविद्यालयाचे यश
सातारा, ता. १ : येथील वेणुताई महिला शिक्षणशास्‍त्र महाविद्यालयाच्‍या विद्यार्थिनींनी पवित्र शिक्षक भरती प्रक्रियेत यश मिळवले. या प्रक्रियेत प्रियांका सत्‍यवान भोईटे, प्रेरणा आनंदराव घोरपडे, स्‍नेहा सागर शेलार, कविता सूरज भुजबळ, अमृता पुष्‍कराज शिवदे, नेहा नरेंद्र सावंत, मेघा भूषण देशमुख, शिवांजली शशिकांत जमदाडे, स्‍नेहल शिवाजी घोडसे, पल्‍लवी बापू ससाणे, कोमल अतुल जाधव, उषा ज्ञानोबा जाधव, शुभांगी वसंतराव माने, तनुजा जगन्नाथ शेजवळ, सोनाली तेजस माने यांनी यश मिळवले.

-----------------------