कामशेत - पुण्याच्या अरिहंत कॉलेज, पूना कॉलेज व अल्लाना कॉलेज ऑफ फार्मसी यांच्या राष्ट्रीय सेवा योजनेच्या वतीने आयोजित विशेष श्रमसंस्कार हिवाळी शिबिरात विद्यार्थ्यांनी साते येथे वनराई बंधारा बांधला.

शिबिराचे उद्‌घाटन पोलिस पाटील शांताराम सातकर यांच्या हस्ते झाले. यावेळी प्राचार्य डॉ. किरण भिसे उपस्थित होते. शिबिरात स्वच्छतेबाबत सर्वेक्षण व जनजागृती करण्यात आली. ग्रामस्वच्छता मोहिमेअंतर्गत पंचवीस पोती प्लॅस्टिकचा कचरा संकलित केला. 

जलव्यवस्थापन व जलस्रोत स्वच्छता यासाठी पथनाट्ये सादर करून अभियान राबविण्यात आले. साते ओढ्यावर वनराई बंधारा बांधला. पारवडी गावातही स्वच्छता केली. चंदन लागवड जनजागृती व मोफत बियाणाचे वाटप करण्यात आले. याशिवाय बेटी बचाव, बेटी पढाओ यासाठी विशेष कार्यक्रम राबविण्यात आले. कार्यक्रमाचे नियोजन कार्यक्रम अधिकारी जमीर सय्यद, अकबर सय्यद, प्रा. संग्राम काकडे, रमजाण वारुणकर, दिलनवाज पठाण यांनी केले आहे. अक्षय नायकडे, श्रद्धा ढवळे, मुद्दसर शेख, शहबाज देशमुख, मीलाक्षी झुंबरे, शाहीन शेख मारूफ खान यांच्या नेतृत्वाखाली हे उपक्रम राबविले जात आहेत. सक्षम युवक या विषयावर डॉ. शाकीर शेक, सेवा योजना सेवेतून समृद्धीकडे डॉ. बाबा शेख जोहेब हसन, राणी पोटावले यांची मार्गदर्शनपर व्याख्याने झाली.