पुणे -  महात्मा फुले मंडईत नुकताच दिल्ली गाजर दाखल झाले आहे. किरकोळ बाजारात गाजराला दर्जानुसार प्रतिकिलो ८० ते १०० रुपये भाव मिळत आहे.   

या गाजरांची आवक राजस्थानमधून होते. गाजराचा हंगाम नोव्हेंबरमधील पहिल्या आठवड्यात सुरू होतो. पण, या वेळी पावसामुळे गाजराच्या पिकाचे नुकसान झाल्यामुळे आवक कमी होऊन तीन आठवडे दिल्ली गाजर उशिरा दाखल झाले. विशेषतः हलवा करण्यासाठी ही गाजरे प्रसिद्ध आहेत. हे गाजर भडक लाल रंगाचे असते. गावरान गाजराच्या तुलनेत मोठ्या आकाराचे असते. दर्जानुसार प्रतिकिलो ७० ते ८० रुपये भाव मिळत आहे. 

'सकाळ'चे मोबाईल ऍप डाऊनलोड करा

प्रतिदिन सुमारे १०० किलो गाजर विकले जाते. सण असल्यास या गाजराला मागणी जास्त असते, असे गाजर व्यापारी सुप्रिया काकडे यांनी सांगितले.