प्रभागातील दिव्यांगांसाठी भरीव कार्य करणार

बार्शी : नगर परिषदेच्या माध्यमातून माझ्या प्रभागातील मागासवर्गीय आणि दिव्यांगांसाठी भरीव कार्य करण्याचे माझे ध्येय आहे. विशेषतः दिव्यांग आणि अपंग नागरिकांसाठी शासनाच्या ज्या काही योजना आहेत त्या सर्व पूर्ण करून त्यांना न्याय देण्याचा माझा प्रयत्न राहणार आहे. प्रभागातील मागासवर्गीय नागरिकांसाठी देखील रमाई आवास योजना आणि पंतप्रधान आवास योजनेच्या माध्यमातून जास्तीत जास्त घरकुले देण्याचा प्रयत्न राहणार आहे. प्रभागातील स्वच्छता आणि स्वच्छ पाणीपुरवठा सुरळीत कसा होईल याकडे देखील माझे नेहमीच लक्ष राहणार आहे. माझ्या प्रभागातील नागरिकांच्या प्रत्येक कामाचा नगरपालिकेकडे दररोज पाठपुरावा केला जात आहे. प्रभागात अनेक ठिकाणी रस्ते खराब झाले आहेत. त्या ठिकाणी देखील सिमेंट किंवा डांबरी रस्ता करून वार्ड सुशोभित करण्याचा माझा प्रयत्न राहणार आहे.

बाळासाहेब पवार, नगरसेवक, बार्शी नगरपरिषद