पुणे - संस्कृती प्रतिष्ठानतर्फे माजी पंतप्रधान भारतरत्न अटलबिहारी वाजपेयी यांच्या जयंतीनिमित्त दरवर्षी दिला जाणारा ‘अटल संस्कृती गौरव’ पुरस्कार या वर्षी ज्येष्ठ शास्त्रज्ञ डॉ. रघुनाथ माशेलकर यांना दिला जाणार आहे, अशी माहिती प्रतिष्ठानचे अध्यक्ष महापौर मुरलीधर मोहोळ यांनी पत्रकार परिषदेत दिली.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

पुरस्कार वितरण सोहळा शुक्रवारी (ता. २५) सायंकाळी ५:३० वाजता बालगंधर्व रंगमंदिर येथे होणार असून, पुरस्काराचे वितरण राज्याचे विरोधी पक्षनेते देवेंद्र फडणवीस यांच्या हस्ते होणार आहे. पुरस्काराचे स्वरूप मानपत्र, पुणेरी पगडी आणि एक लाख रुपये गौरवनिधी असे आहे. भाजपचे प्रदेशाध्यक्ष चंद्रकांत पाटील प्रमुख पाहुणे म्हणून उपस्थित असणार आहेत.

पुणे विद्यापीठाकडून कॅसच्या मुलाखती पुन्हा रद्द

पुरस्कार वितरण सोहळ्यानंतर अटलबिहारी वाजपेयी यांच्या कवितांवर आधारित ‘गीत नया गाता हूँ’ हा गीत, संगीत आणि नृत्यावर आधारित दृक्-श्राव्य कार्यक्रम आयोजित करण्यात आला आहे. ‘संवाद पुणे’ची निर्मिती असलेल्या या कार्यक्रमात प्रसिद्ध गायिका पद्मजा फेणाणी-जोगळेकर अटलजींच्या रचना सादर करणार असून, अभिनेत्री भार्गवी चिरमुले नृत्य सादर करणार आहे. कार्यक्रमाचे संयोजन सुनील महाजन यांनी केले असून, नृत्यदिग्दर्शन निकिता मोघे 
यांचे आहे.

Edited By - Prashant Patil