मंचर : जागतिक मराठी भाषा दिनानिमित्त येथील डॉ. एम. ए. खान शिक्षणशास्त्र महाविद्यालय चे प्राचार्य डॉ. अनिल नारायण निघोट यांनी विद्यार्थी व शिक्षकांसाठी लिहिलेल्या आठ शैक्षणिक संदर्भग्रंथांचा प्रकाशन सोहळा गुरुवारी (ता. २६) सकाळी १० वाजता आयोजित केला आहे. कार्यक्रमाचे आयोजन अण्णासाहेब आवटे महाविद्यालय येथील डॉ. कर्मवीर भाऊराव पाटील सभागृहात करण्यात आले आहे.
डॉ. निघोट यांनी ‘एडव्हान्सड एज्युकेशनल सायकोलॉजी: लर्निंग अँड टीचिंग’, ‘मॉडर्न अ‍ॅडव्हान्सड एज्युकेशनल मॅनेजमेंट’, ‘भावनिक बुद्धिमत्ता आणि सहकार्यात्मक अध्ययन’, ‘इंडियन नॉलेज सिस्टीम इन एज्युकेशन’, ‘लर्निंग अँड टीचिंग’, ‘असेसमेंट अँड इव्हॅल्युएशन फॉर लर्निंग’, ‘अध्ययन आणि अध्यापन’,‘अध्ययनासाठी मूल्यमापन आणि मूल्यांकन’ अशी विविध विषयांवरील पुस्तके लिहिली आहेत. पुस्तके शिक्षक प्रशिक्षण, अध्यापन कौशल्य व शैक्षणिक व्यवस्थापन यासाठी उपयुक्त ठरणार असल्याचे सांगण्यात आले.