पिंपरी - पिंपरी कॅम्प परिसरात अनधिकृत बांधकाम नियंत्रण आणि अतिक्रमण निर्मूलन पथकाने मंगळवारी केलेली कारवाई निव्वळ फार्स ठरली. मंगळवारी बाजारपेठ बंद राहत असल्याने अतिक्रमण कारवाई कोणाविरोधात झाली, असा प्रश्‍न या निमित्ताने उपस्थित झाला आहे. 

पिंपरी कॅम्पातील वाढत्या अतिक्रमणांवर ‘सकाळ’मधून वृत्तमालिका प्रसिद्ध करण्यात आली. त्याची दखल घेत अतिक्रमण विभागाचे कार्यकारी अभियंता शिरीष पोरेडी यांच्या मार्गदर्शनाखाली कार्यालयीन अधीक्षक हनुमंत सरवदे यांच्या पथकाने दुपारी एकच्या सुमारास कारवाईला सुरवात केली. सुमारे २५ दुकानांनी कपडे अडकविण्यासाठी लावलेल्या लोखंडी जाळ्या गॅस कटरच्या साह्याने कारवाईत काढण्यात आल्या. काही ठिकाणचे छोटे फलकही काढण्यात आले. 

सिंधू एकता मंचाचे अध्यक्ष विजय कोटवाणी म्हणाले, ‘‘परिसरात योग ती कारवाई झाली पाहिजे. रस्ते मोकळे झाले पाहिजेत. कारवाई नियमित झाली पाहिजे.’