विश्रांतवाडी (पुणे) : पुणे विभागातील एकमेव कर्णबधिर दिव्यांग महाविद्यालय असलेल्या टिंगरेनगर येथील स्व. सी. आर. रंगनाथन कर्णबधिर कला व वाणिज्य कनिष्ठ महाविद्यालयाचा बारावी कला शाखेचा निकाल 100 टक्के, तर वाणिज्य शाखेचे हे पहिले वर्ष असूनही 92 टक्के निकाल लागला. 

ताज्या बातम्यांसाठी डाऊनलोड करा ई-सकाळचे ऍप   

कला शाखेतून प्रसाद सोपान गराडे हा 73.85 टक्के मिळवून पहिला, समृद्धी विठ्ठल दौंडकर ही 73.38 टक्के मिळवून द्वितीय, तर गणपती काशिनाथ मोरे हा 71.85 मिळवून तृतीय आला. वाणिज्य शाखेतून हेमंत पांडुरंग चव्हाण हा 56.92 टक्के मिळवून पहिला, वर्षा सुहास सोनसळे ही 55.53 टक्के मिळवून द्वितीय, तर आदिती दीपक वाणी ही 54. 61 टक्के मिळवून तृतीय आली. कनिष्ठ महाविद्यालयाचे प्राचार्य महेश कांबळे, अधिव्याख्याते रोहित जाधव, प्रकाश सदाकळे, डॉ. प्रियंका जोशी, स्वरूपा जोशी, माधुरी गाडेकर, अक्षय कुमार घेरडी, रोहिनी गुरव, सुरेखा झुंजारे या अध्यापकांचे बहुमोल मार्गदर्शन लाभले.

पुण्याच्या बातम्या वाचण्यासाठी येथे ► क्लिक करा

या उत्तीर्ण विद्यार्थ्यांनी पुढील उच्च शिक्षण सावित्रीबाई फुले पुणे विद्यापीठाशी संलग्न असणाऱ्या कर्णबधिर दिव्यांग महाविद्यालयातून पूर्ण करावे. तसेच, भविष्यातही असेच यश संपादित करावे, अशा शुभेच्छा आवाहन संस्थापक अध्यक्ष व्ही. बी. पाटोळे यांनी दिल्या.

Edited by : Shivnandan Baviskar