हडपसर : एका शाळेतील क्रीडा शिक्षक तीन अल्पवयीन मुलांसोबत पाच महिन्यांपासून अश्‍लील चाळे करत होता. याप्रकरणी त्याच्यावर बाल लैंगिक अत्याचार (पॉस्को) कायद्यांतर्गत हडपसर पोलिस ठाण्यात गुन्हा दाखल केला आहे. 

याप्रकरणी आनंद काळे (वय 39, रा. काळेपडळ, हडपसर) असे अटक केलेल्या संशयिताचे नाव आहे. हडपसर ठाण्याचे वरिष्ठ पोलिस निरीक्षक सुनील तांबे यांनी दिलेल्या माहितीनुसार, काळे हा एका शाळेमधील मुले व त्यांच्या पालकांच्या संपर्कात होता. त्यामुळे त्याने त्यांचा विश्‍वास संपादन केला. अनेकदा त्याने मुलांना घरी बोलावून तसेच, शाळेच्या आवारात अश्‍लील चाळे केल्याचे पालकांनी तक्रारीमध्ये नमूद केले आहे.