पुणे : चित्रपट छायादिग्दर्शक चारुदत्त दुखंडे (65) यांचे पुण्यात अल्पशा आजाराने निधन झाले आहे. माहेरची साडी, आत्मविश्वास, आमच्यासारखे आम्हीच, दोघी, भूकंप, मजहब, गुलमोहर, अशा हिंदी , प्रेम करूया खुल्लम खुल्ला, मधुचंद्राची रात, आत्मविश्वास, निष्पाप, वाजवा रे वाजवा, दे टाळी अशा असंख्य गाजलेल्या चित्रपटांचे त्यांनी छायादिग्दर्शन केले होते.

तसेच हमलोग कमांडर, तू तू मै मै, स्वामी, आख्यान, हॅलो इन्स्पेक्‍टर अशा जवळपास शेकडो मालिकांचे, माहितीपटांचे छायादिग्दर्शन केले होते. निष्पाप चित्रपटासाठी त्यांना सर्वोत्तम छायादिगदरशनाचा राज्य पुरस्कार मिळाला होता. त्यांच्या पार्थिवावर गुरुवारी अंत्यसंस्कार करण्यात येतील. त्यांच्या मागे पत्नी, मुलगा आणि मुलगी असा परिवार आहे.