घर का न घाट का... उन्मुक्त चंदचं ड्रीम झालं उद्ध्वस्त! गुजराती खेळाडू बनला World Cupमध्ये अमेरिकन संघाचा कर्णधार

USA Squad for T20 World Cup : 2024 च्या टी-20 वर्ल्ड कपसाठी USA ने 15 सदस्यीय संघाची घोषणा केली. प्रथमच अमेरिका संयुक्तपणे वेस्ट इंडिजसोबत आयसीसी स्पर्धेचे आयोजन करणार आहे. 1 जूनपासून टी-20 वर्ल्ड कपला सुरुवात होणार आहे. या मेगा स्पर्धेसाठी अमेरिकेने भारतीय वंशाच्या मोनांक पटेलकडे संघाचे कर्णधारपद दिले आहे.

टी-20 वर्ल्ड कप 2024 साठी अमेरिकेचा 15 सदस्यीय संघ : मोनांक पटेल (कर्णधार), आरोन जोन्स (उप-कर्णधार), अँड्रिज गॉस, कोरी अँडरसन, अली खान, हरमीत सिंग, जेसी सिंग, मिलिंद कुमार, निसर्ग पटेल, नितीश कुमार, नॉस्तुश केंजिगे, सौरभ नेत्रावलकर, शेडली व्हॅन शेल्क्विक, स्टीव्हन टेलर , शायन जहांगीर.

आपल्या क्रिकेट कारकिर्दीला उंच घेऊन जाण्याच्या उद्देशाने भारतातून अमेरिकेत आलेला टीम इंडियाचा अंडर-19 संघाचा कर्णधार असलेल्या उन्मुक्त चंदला संघात स्थान मिळाले नाही. त्याच वेळी, 2012 मध्ये उन्मुक्त चंदच्या नेतृत्वाखाली भारताने अंडर-19 वर्ल्ड कप जिंकला होता. न्यूझीलंडकडून आंतरराष्ट्रीय क्रिकेट खेळलेल्या कोरी अँडरसनला यूएसए संघात स्थान मिळाले आहे.

त्याचबरोबर 2010 च्या वर्ल्ड कप भारतीय अंडर-19 संघात सहभागी झालेल्या सौरभ नेत्रावलकरलाही स्थान मिळाले आहे. उल्लेखनीय आहे की 2010 मध्ये झालेल्या 19 वर्षाखालील वर्ल्ड कप स्पर्धेत सौरभ नेत्रावलकर भारतीय अंडर-19 संघाचा भाग होता. आणि त्यावेळी भारतीय अंडर-19 संघाला विजेतेपद मिळवता आले नव्हते पण सौरभने भारतासाठी सर्वाधिक विकेट्स घेतल्या होत्या.

भारत, पाकिस्तान, आयर्लंड आणि कॅनडासह अमेरिकेला ब गटात ठेवण्यात आले आहे. अमेरिका 2 जून रोजी कॅनडाविरुद्ध मोहीम सुरू करणार आहे. यानंतर त्यांचा सामना 6 जूनला पाकिस्तानशी, 12 जूनला भारत आणि 14 जूनला आयर्लंडशी होणार आहे.