पुणे - तृतीयपंथीयांनी तृतीयपंथीयांसाठी (LGBTQ Community) सुरू केलेल्या राज्यातील पहिल्या क्लिनिकला (Clinic) शहरात प्रारंभ झाला. शहरातील सुमारे चार हजार तृतीयपंथियांना त्याचा उपयोग होणार आहे. (First Clinic for LGBTQ Community in Pune)

तृतीयपंथीयांना मूलभूत अधिकारांच्या पायमल्लीबरोबरच अनेक समस्या भेडसावतात. तृतीयपंथी व्यक्तींना बहुतांश  वेळा आरोग्य सुविधा, राहण्यासाठी घर मिळत नाही. त्यामुळे त्यांना काही काळ पदपथावर राहावे लागते. या घटकला किफायतशीर दरात आरोग्य सुविधा उपलब्ध करून देण्यासाठी हे क्लिनिक सुरू करण्यात आले आहे, अशी माहिती सोनल दळवी यांनी दिली. तृतीयपंथियांना खासगी रुग्णालयांचे दर परवडत नाही. त्यांच्यासाठी हे क्लिनिक दिलासा ठरेल. या रुग्णालयात अगदी कमी शुल्कात तृतीयपंथीयांच्या सर्व वयोगटातील रुग्णांचे उपचार करण्यात येतील. त्यांच्याकडून तपासणी शुल्क आकारण्यात येणार नाही. क्लिनिकमधील सर्व कर्मचारी हे तृतीयपंथी असतील, असेही त्यांनी सांगितले.

हे लक्षात ठेवा

• संचेती रुग्णालयाजवळील तुपे इमारतीत तिसऱ्या मजल्यावर क्लिनिक सुरू

• सकाळी ८ ते सायंकाळी ४ वाजेपर्यंत ते खुले

• महाराष्ट्र राज्य एड्स नियंत्रण कक्ष, एलजीबीटी सीबीओ आणि समुदाय यांचे सहकार्य

• अभिमत विद्यापीठांची वैद्यकीय महाविद्यालये, हॉस्पिटल ॲण्ड रिसर्च सेंटरच्या भागीदारीतून आरोग्य सुविधा