पुणे : मित्राने जेवायला घातलं नाही म्हणून झालेल्या वादात मित्रानेच कानाचा चावा घेत कान तोडून टाकल्याची घटना पुण्यातील मार्केट यार्ड परिसरात घडली आहे. हा सगळा प्रकार २७ जानेवारी रोजी दुपारी ३.३० वाजताच्या सुमारास मार्केटयार्ड मधील फुल मार्केटच्या पार्किंग मध्ये घडला असून याप्रकरणी पोलिसांकडून गुन्हा दाखल करण्यात आला आहे.
हेही वाचा - ....इथं तयार होतो आपला लाडका तिरंगा
पोलिसांनी दिलेल्या माहितीनुसार, सचिन कुंभार (३९) आणि अनिकेत कांबळे (३५) हे दोघे गेल्या अनेक दिवसांपासून एकमेकांना ओळखतात आणि कात्रज भागात एकत्र वास्तव्यास आहेत. २७ जानेवारी रोजी सचिन त्याच्या मैत्रिणी सोबत मार्केट यार्ड येथे असलेल्या फुल मार्केटच्या पार्किंग मध्ये बोलत थांबले होते. यादरम्यान आरोपी अनिकेत कांबळे तिथे आला आणि त्याने सचिनला मला खायला दे किंवा जेवायला चल अशी विचारणा केली. यावर सचिनने नकार दिल्यानंतर अनिकेतला राग अनावर झाला आणि त्याने शिवीगाळ केली.
दरम्यान, या वादाचे रूपांतर नंतर भांडणात झाले आणि अनिकेतने सचिनला धरत त्याच्या कानाला जोरात चावा घेतला. त्याने इतका जोरात चावा घेतला की, सचिनच्या कानाची पाकळी तुटून पडली आणि यात सचिन गंभीर जखमी झाला. या घटनेनंतर सचिनने पोलीस स्टेशन गाठून तक्रार दिली. याप्रकरणी आरोपी अनिकेत कांबळे याच्यावर मार्केट यार्ड पोलिस ठाण्यात भारतीय दंडात्मक कलम ३२५, २९४, ३२३, ५०४ अन्वये गुन्हा दाखल करण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.