मार्केट यार्ड - गडचिरोली जिल्ह्यात मोठ्या प्रमाणावर पाऊस पडल्याने अनेक गावांचा संपर्क तुटला आहे. अनेकांना अन्न, पाणी मिळत नाही. या पार्श्वभूमीवर ‘सकाळ रिलीफ फंडा’कडून गुरुवारी पूरग्रस्तांसाठी अन्नधान्याचा एक टेम्पो पाठविण्यात आला. 

गडचिरोली पोलिस मुख्यालयात ही मदत पाठविली. तेथून ती भामरागड येथील १५०० कुटुंबांना देण्यात येणार आहे. गडचिरोलीचे जिल्हाधिकारी शेखर सिंग यांनी ई-मेलद्वारे ‘सकाळ’कडे मदतीची विनंती केली होती. त्यावर ‘सकाळ रिलीफ फंडा’कडून मार्केट यार्ड येथील जयराज अँड कंपनी येथून अन्नधान्याचा टेम्पो पाठविण्यात आला. या वेळी फंडाचे विश्वस्त राजेश शहा, धवल शहा, रवींद्र नहार, सचिन नहार, राहुल गरड उपस्थित होते.

तांदूळ १५ टन, प्रत्येकी १० किलोप्रमाणे पॅकिंग, डाळ साडेचार टन, प्रत्येकी तीन किलोप्रमाणे पॅकिंग या स्वरूपात तेथील १५०० कुटुंबांना ही मदत दिली जाणार आहे.