टाकळी हाजी, ता ३ :फाकटे (ता. शिरूर) गावातील भिलवस्ती येथे सोमवारी (ता. २) रात्री सुनील कोंडीबा सूर्यवंशी यांच्या घराला अचानक आग लागल्याने गॅसचा स्फोट झाला, यामध्ये घरातील सर्व बाहेर झोपल्यामुळे कोणत्याही प्रकारची जिवीत हानी झाली नाही. याबाबत ग्रामसेवक स्वप्नील कवडे यांनी सांगितले की, घरातील सर्व वस्तू जळून खाक झाली असून, अंदाजे सव्वालाख रुपयांच्या नुकसानीचा पंचनामा करण्यात आला आहे. घटनेची माहिती मिळताच जिल्हा परिषदेचे सदस्य राजेंद्र गावडे यांनी घटनास्थळी भेट देऊन कुटुंबीयांची सविस्तर विचारपूस केली. तातडीने घरासाठी पत्रे देण्याचा शब्द दिला .