पुणे : शहरातील कात्रज भागात १८ ते २० सिलेंडरचे स्फोट झाल्याची घटना समोर आली आहे. कात्रजमधील गंधर्व लॉ़न्स परिसरात ही भयानक घटना घडली आहे. बारा सिलेंड़रचे स्फोट झाल्यानं परिसरामध्ये खळबळ उडाली आहे. या घटनेचे वृत्त कळताच अग्निशामक दल (Fire Brigade) घटनास्थळी दाखल झालं आहे. प्राथमिक माहितीनुसार अजुनपर्यंत कोणतीही जीवितहानी झालेली नाही. घटनास्थळी पोलीस दाखल झाले असून सुरक्षेचा मुद्दा उपस्थित होऊ नये म्हणून योग्य ती खबरदारीही घेण्यात आली आहे. (Gas Cylinder Blast in Katraj Pune)

कात्रज येथील गंधर्व लॉन्सजवळच एक गोडाउन आहे, हे गोडाउन कशाचे आहे, याबाबत अद्याप माहिती मिळालेली नाही. मात्र मंगळवारी सायंकाळी 5 वाजता अचानक सिलेंडरचा स्फोट झाला. त्यानंतर नागरीकांना काही कळण्याच्या आताच सुमारे 20 सिलेंडरचे स्फोट झाले. या घटनेत एक व्यक्ति किरकोळ जखमी झाली आहे, दरम्यान, अग्निशामक दल तत्काळ पोचले, त्यांना आग विझविण्यात यश आले आहे.

दरम्यान, हा प्रकार नेमका कशामुळे घडला, याबाबातची माहिती अजुन मिळालेली नाही. अग्निशामक दलाकडून आग नियंत्रणात आणण्यात आली आहे.