पुणे - अमेरिकेतील वॉशिंग्टन डीसी येथे जागतिक बॅंकेतर्फे आयोजित ‘ग्लोबल हॅकॅथॉन’मध्ये एमआयटी आर्ट, डिझाइन आणि टेक्‍नॉलॉजी विद्यापीठाच्या अटल इक्‍युबेशन सेंटरच्या (एआयसी- एमआयटी एडीटी) विद्यार्थ्यांनी भारताचे प्रतिनिधित्व केले. हा उपक्रम पाच ते सात नोव्हेंबरदरम्यान पार पडला, अशी माहिती एमआयटी अटल इक्‍युबेशन फोरमचे सीईओ डॉ. मोहित दुबे यांनी दिली.

बाजीप्रभू देशपांडे, ऐशी दुबे, परिणीता मेलेड (पुणे), फातमा शेख (धारवाड) आणि आदित्य हुरलीकोप्पी (हुबळी), सिद्धार्थ चौधरी, केतन देशपांडे यांनी या ग्लोबल इव्हेंटमध्ये प्रतिनिधित्व केले. आफ्रिका टीन गीक्‍स यूएनओडीसीच्या एज्युकेशन फॉर जस्टिसच्या समर्थनार्थ जागतिक हॅकॅथॉन फॉर जस्टिससाठी आयोजित केली होती. 

युनायटेड नेशन्स ऑफ ड्रग्स अँड क्राइम (यूएनओडीसी) आणि जागतिक बॅंक यात एकत्र काम करत आहेत. जगभरातील युवकांना या कार्यक्रमामध्ये तांत्रिक कौशल्य प्रदर्शित करण्याची संधी दिली, असे दुबे यांनी सांगितले.