पुणे - राज्याचे अतिरिक्त पोलिस महासंचालक सुनील रामानंद हे टिळक महाराष्ट्र विद्यापीठाकडून एल.एल.बी. अभ्यासक्रमाच्या अंतिम परीक्षेत प्रथम क्रमांकाने उत्तीर्ण झाले असून, यामध्ये त्यांनी सुवर्ण पदक मिळवले आहे.

सुनील रामानंद १९९४ बॅचचे भारतीय पोलिस सेवेत (आयपीएस) महाराष्ट्र केडरचे वरिष्ठ अधिकारी आहेत.

त्यांनी आत्तापर्यंत महाराष्ट्र पोलिस सेवा दलात पुणे शहर पोलिस आयुक्तालयात पोलिस सह आयुक्त तसेच विविध पदांवर काम केले आहे. पोलिस खात्यातील उत्कृष्ट सेवेसाठी २०१० मध्ये त्यांना पोलिस महासंचालक यांचे सन्मानचिन्ह आणि २०१२ मध्ये भारत सरकारकडून राष्ट्रपती पदक प्राप्त झाले आहे. सध्या ते अतिरिक्त पोलिस महासंचालक (दळणवळण, माहिती तंत्रज्ञान आणि परिवहन) या पदावर कार्यरत आहेत.