पुणे - कोकणातील पालघर, ठाणे, रायगड, रत्नागिरी आणि सिंधुदुर्ग या पाच जिल्ह्यांतील आंब्याला हापूस अल्फान्सो या नावाने भौगोलिक निर्देशन (जिऑग्राफिकल इंडिकेशन) मिळाले आहे. त्यामुळे इतर प्रांतातील आंब्याची तुलना कोकणातील हापूस आंब्याशी करता येणार नाही. येथील भौगोलिक प्रदेशातील वैशिष्ट्ये आणि हवामानामुळे हापूसची चव, रंग आणि पौष्टिकता या बाबी वेगळ्या असल्याचे कोकण हापूस आंबा उत्पादक संस्थेने म्हटले आहे.
- पुण्याच्या बातम्या वाचण्यासाठी येथे ► क्लिक करा
डॉ. बाळासाहेब सावंत कोकण कृषी विद्यापीठ दापोली, कोकण हापूस आंबा उत्पादक आणि उत्पादक विक्रेते सहकारी संस्था रत्नागिरी, देवगड तालुका आंबा उत्पादक सहकारी संस्था जामसंडे आणि केळशी परिसर आंबा उत्पादक सहकारी संस्था दापोली या चार संस्थांना भौगोलिक निर्देशन प्रमाणपत्र प्राप्त झाले आहे.
चेन्नई येथील भौगोलिक निर्देशन नोंदणी कार्यालयात नोंदणी करण्यात आली असून, अशा उत्पादनांना दहा वर्षे इतर प्रदेशातल्या अनधिकृत उत्पादनांपासून, भेसळ, रास्त किमतीपेक्षा कमी किंमत मिळणे यासारख्या गोष्टींपासून संरक्षण मिळते. तसेच, या प्रदेशातील स्थानिक उत्पादकांना अधिकाधिक आर्थिक लाभ मिळण्याची संधी उपलब्ध होत असते. परंतु त्यासाठी उत्पादन पध्दती, उत्पादनातील टप्पे याविषयी काटेकोर नियमांची आवश्यकता आहे. जी आय. मध्ये उत्पादनातील नाविन्य आणि प्राचीन तंत्राचा इतर साहित्याचा, उत्तम शेती पद्धतींचा वापर आणि त्याला स्थानिक परंपरांची जोड देण्यात आल्याचे कोकण हापूस आंबा उत्पादक आणि उत्पादक विक्रेते सहकारी संस्थेच्या वतीने सांगण्यात आले.
Edited By - Prashant Patil
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.