पुणे - पंतप्रधान नरेंद्र मोदी यांचा यांची पुण्यात उद्या (ता.२६) सायंकाळी जाहीर सभा होणार आहे. पण आज (ता. २५) दुपारनंतर झालेल्या मुसळधार पावसामुळे सर परशुराम महाविद्यालयाच्या मैदानावर चिखलाचे साम्राज्य निर्माण झाले आहे. चिखल कमी करण्यासाठी मुरूम, खडी टाकली जात असली तरी हे काम पूर्ण करण्यासाठी प्रशासनाची चांगलीच दमछाक झाली आहे.
जिल्हा न्यायालये ते स्वारगेट भूमिगत मेट्रोचे उद्घाटन आणि यासह अन्य प्रकल्पांच्या भुमिपूजनासाठी पंतप्रधान मोदी गुरुवारी पुणे दौऱ्यावर आहेत. त्यांची स. प. महाविद्यालयाच्या मैदानावर सभा होणार आहे. गेल्या दोन तीन दिवसांपासून या मैदानावर व्यासपीठ उभारणे, नागरिकांची बैठक व्यवस्था करणे याची तयारी सुरु आहे.
मंगळवारी (ता. २४) शहरात जोरदार पाऊस पडला, त्यामुळे मैदानावर चिखल झाल्याने प्रशासनाने पाणी वाहून जाण्यासाठी चर खोदणे, पाईप टाकून पाणी वाहून जाण्याची व्यवस्था करणे अशी कामे केली. मैदानात व नागरिकांसाठी तयार केलेल्या रस्त्यावर चिखल झाला आहे. तेथे खडीचा बारीक चुरा व मुरूम टाकला जात आहे.
पण आज दुपारी झालेल्या जोरदार पावसामुळे सभेच्या ठिकाणी दाणादाण उडाली आहे. अनेक ठिकाणी घोट्याच्या वर पाणी जमा जमा झाले. मोठ्या प्रमाणात चिखलही झाला आहे. महापालिका व जिल्हा प्रशासनातर्फे चिखल कमी करण्यासाठी उपाय योजना सुरु असल्या तरी पूर्णपणे मैदान कोरडे करणे अशक्य आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.