BON26B01885
पुणे : येथील आयआयटीएमला अभ्यास भेट देऊन माहिती घेताना विद्यार्थिनी.

श्रीराम महिला महाविद्यालयाच्या
विद्यार्थिनींचा पुणे अभ्यास दौरा
.........
बोंडले, ता. १ : पानीव (ता. माळशिरस) येथील श्रीराम शिक्षण संस्था संचलित श्रीराम महिला विज्ञान महाविद्यालयातील प्रथम वर्षातील विद्यार्थिनींनी नुकताच अभ्यास दौरा पूर्ण केला. त्यांनी पुणे येथील इंडियन इन्स्टिट्यूट ऑफ ट्रॉपिकल मेट्रोलॉजीला भेट देऊन हवामानशास्त्र क्षेत्रातील आधुनिक संशोधनाची प्रत्यक्ष माहिती घेतली.
या भेटीदरम्यान संस्थेतील शास्त्रज्ञ डॉ. रेणू दास यांनी विद्यार्थिनींना भारतीय मान्सूनचा अधिकृत अंदाज, चक्रीवादळ संशोधन, हवामान बदल अभ्यास तसेच विविध अत्याधुनिक प्रयोगशाळांची सविस्तर माहिती दिली. विद्यार्थिनींसाठी आयोजित प्रश्‍नमंजूषा स्पर्धेत महाविद्यालयातील गौरी महादेव शेंडे व कीर्ती ज्ञानेश्वर काटे यांनी उल्लेखनीय यश संपादन करत क्रमांक पटकावला. त्यांचा शास्त्रज्ञांच्या हस्ते गौरव करण्यात आला. यावेळी मॉन्सून अंदाज प्रणाली, उष्णकटिबंधीय हवामान बदल विश्लेषण, चक्रीवादळ अलर्ट प्रणाली,‘दामिनी’ वीज अंदाज ॲप तसेच जमिनीतील ओलावा मोजणाऱ्या रडार तंत्रज्ञानाची माहिती विद्यार्थिनींनी प्रत्यक्ष अनुभवातून जाणून घेतली. याप्रसंगी प्रा. अभिजित बाबर, प्रा. ज्योती फुले, प्रा. कोमल घाडगे, प्रा. गणेश शेळके आदी शिक्षक उपस्थित होते.