इंदापूर : बाभुळगाव ( ता. इंदापूर ) विविध कार्यकारी सेवा सहकारी सोसायटी पंचवार्षिक निवडणूकीत भाजप प्रणित हनुमान विकास शेतकरी पॅनलचे सर्व उमेदवार विजयी झाले आहेत. ज्येष्ठ नेते पॅनल कल्याणबापू गुरगुडे, कर्मयोगी शंकररावजी पाटील सहकारी साखर कारखान्याचे माजी संचालक भास्कर गुरगुडे, राजाभाऊ इंगळे यांच्या नेतृत्वाखालील हे संपूर्ण पॅनल विजयी झाले असून माजी सहकार मंत्री, भाजप नेते हर्षवर्धन पाटील,जिल्हा बँकेचे संचालक आप्पासाहेब जगदाळे,कर्मयोगी कारखान्याच्या माजी उपाध्यक्षा श्रीमती पदमाताई भोसले यांनी पॅनल प्रमुख, प्रचार प्रमुख भारत आसबे व विजयी उमेदवारांचे अभिनंदन केले आहे.

निवडणूक निर्णय अधिकारी म्हणून एम.पी.राऊत यांनी काम पाहिले.विजयी उमेदवार पुढीलप्रमाणे :भारत यादव व युवराज जाधव - दोघेही बिनविरोध. दीपक गुरगुडे, हनुमंत देवकर, पंडित गुरगुडे, पोपट भोसले, दत्तात्रय देवकर, संतोष बोंद्रे, राजेंद्र भोसले, लक्ष्मण राखुंडे, सुंदराबाई चव्हाण, आशा जावळे, विठ्ठल मोरे.