इंदापूर, ता.२३ : बिजवडी (ता. इंदापूर) येथे एका पत्र्याच्या शेडमध्ये रोख रकमेसह पत्त्यांच्या सहाय्याने जुगार खेळणाऱ्या ११ जणांवर इंदापूर पोलिस ठाण्यात गुन्हा दाखल करण्यात आला. या कारवाईत पोलिसांनी रोख रक्कम व जुगाराचे साहित्य असा एकूण ४३ हजार ४०० रुपयांचा मुद्देमाल जप्त केला.
याबाबत गणेश मच्छिंद्र डेरे, पोलिस अंमलदार, स्थानिक गुन्हे शाखा, इंदापूर यांनी दिलेल्या फिर्यादीनुसार, २२ ऑगस्ट रोजी रात्री सुमारे पावणेनऊच्या सुमारास बिजवडी गावच्या हद्दीत मंगेश खराडे यांच्या घराजवळील पत्र्याच्या शेडच्या बाजूला काही जण जुगार खेळत असल्याची माहिती मिळाल्यानंतर स्थानिक गुन्हे शाखेच्या पथकाने कारवाई केली. यावेळी संशयितांकडून रोख रक्कम आणि पत्त्यांची पाने जप्त करण्यात आली.
याप्रकरणी नितीन गोरख तळेकर (वय ४२, रा. केम, ता. करमाळा, जि. सोलापूर), विकास बबन सोनवणे (वय ३१, रा. बाभुळगाव, ता. इंदापूर), महेश मच्छिंद्र जाधव (वय ३८, रा. वेनेगाव, ता. माढा, जि. सोलापूर), संतोष महादेव गिरी (वय ४८, रा. सोनारी, ता. परंडा, जि. धाराशिव), आदिनाथ पोपट सरवदे (वय ४०, रा. सदाशिवनगर, ता. माळशिरस, जि. सोलापूर), मंगेश बाळू खराडे (वय २९, रा. बिजवडी, ता. इंदापूर), शुभम बापुराव तळेकर (रा. केम, ता. करमाळा, जि. सोलापूर), उत्तरेश्वर जगन्नाथ पळसकर (रा. केम, ता. करमाळा, जि. सोलापूर), गणेश महादेव दयाळ (रा. मुरूड, ता. जि. लातूर), सुमित लोंढे (रा. टेंभुर्णी, ता. माढा, जि. सोलापूर) व सोनू मधुकर चव्हाण (रा. इंदापूर) यांच्याविरुद्ध गुन्हा दाखल करण्यात आला आहे.
याप्रकरणाचा पुढील तपास पोलिस हवालदार काळे करीत आहेत.