पुणे : गुन्हेगारी कारवायामुळे तडीपार केलेल्या एका सराईत गुन्हेगारावर रविवारी मध्यरात्रीच्या सुमारास 10 ते 15 जणाच्या टोळक्याने अंधाधुंद गोळीबार केला. या घटनेत सराईत गुन्हेगाराला 2 ते 3 गोळ्या लागल्याने तो गंभीर जखमी झाला आहे. हि घटना शिवणे गणेश मंदिर परिसरात घडली. हा प्रकार टोळीयुद्धातुन झाला असल्याची शक्यता आहे. उत्तमनगर पोलिसांसह गुन्हे शाखा युनिट तीनच्या पथकाकडुन आरोपीचा शोध घेतला आहे. केदार भालशंकर (वय 25, रा. रामनगर, वारजे) असे जखमी झालेल्याचे नाव आहे. केदार भालशंकर हा रविवारी रात्री त्याच्या चारचाकी गाडीतुन वारज्याच्या दिशेने जात होता.

त्यावेळी गाड्यामधून आलेल्या 10 ते 15 जणाच्या टोळक्याने त्याच्यावर शिवणे येथील गणेश मंदिर परिसरात अंधाधुंद गोळीबार केला. आरोपीनी केदारच्या दिशेने 6 ते 7 वेळा गोळीबार केला. त्यामध्ये केदारलाल 2 ते 3 गोळ्या लागल्या, एक गोळी त्याच्या पाठीमध्ये लागली. या घटनेनंतर आरोपीनी पलायन केले. या घटनेची माहिती मिळताच उत्तमनगर पोलिस तेथे दाखल झाले. त्यांनी केदारला उपचाराठी रुग्णालयात दाखल केले. (Pune News)

'रावण गैंग' कडून हा गोळीबार झाल्याची शक्यता

अवैध मटका व्यवसायातील भावड्या सकपाळ याचा केदार भालशंकर हा जवळचा आहे. केदारची नीलेश गायकवाड टोळी व रावण गैंग विरुध्द भांडणे आहेत. त्यातूनच हा प्रकार घडला असल्याचे केदारने पोलिसांना सांगितले आहे.त्या दिशेने पोलिसांचा शोध सुरु आहे. हा सर्व प्रकार पूर्ववैमनस्य व टोळीयुद्धातुन झाला असण्याची शक्यता आहे. याबाबत पोलिसांनी अद्याप माहिती दिलेली नाही.