पुणे - पुण्यातील ‘जम्बो’ चालविण्यात कमी पडलेल्या एजन्सीला हटवितानाच ‘जम्बो’तील सुविधांमध्ये बळ आणले जात असून, त्यातून रुग्णांना चांगले उपचार देण्यात येत आहेत. परिणामी, सलग दुसऱ्या दिवशी, म्हणजे मंगळवारी आणखी १६ रुग्ण उपचारानंतर ठणठणीत झाले आहेत. तर, ‘व्हेंटिलेटर’वरील रुग्णांची प्रकृती स्थिर असल्याचे नव्या समितीने जाहीर केले. उपचारांसोबत रुग्ण आणि त्यांच्या नातेवाइकांच्या समुपदेशनासाठी ‘जम्बो’त कक्ष उभारला आहे. 

जम्बोतील रुग्ण आणि त्यांच्या नातेवाइकांत संवाद ठेवण्यासाठी सुरू केलेल्या ‘व्हिडिओ कॉलिंग’ सुविधेचे उद्‌घाटन महापौर मुरलीधर मोहोळ आणि विभागीय आयुक्त सौरभ राव यांच्या उपस्थितीत झाले. 

ताज्या बातम्यांसाठी डाऊनलोड करा ई-सकाळचे ऍप

रुग्णांना उपचार मिळत नसल्याने ‘लाइफलाइन’ या एजन्सीला बाजूला करीत ‘जम्बो’चा ताबा घेतल्यानंतर तेथील उपचार व्यवस्था सक्षम करण्यात येत आहेत. 

व्यवस्था सुधारतेय
नव्या डॉक्‍टरांची भरती झाल्यानंतर उपचाराचा परिणाम दिसत आहे. तक्रारी कमी होऊन रुग्ण बरे होत आहेत. ‘जम्बो’त दाखल होण्यासाठी चौकशी करणाऱ्याचे प्रमाण वाढले  आहे, असेही समन्वयक राजेंद्र मुठे यांनी सांगितले.

जगभरातील इतर बातम्या वाचण्यासाठी येथे क्लिक करा

स्वयंसेवकांकडून समुपदेशन
कोरोनाची लागण झालेले रुग्ण धीर सोडत आहेत; तर त्यांच्या नातेवाइकांतही भीती असते. या अनुषंगाने रुग्ण आणि नातेवाइकांचे समुपदेशन करण्यासाठी अखिल महाराष्ट्र गिर्यारोहण महासंघाचे ३० स्वयंसेवक नेमले आहेत. ते २४ तास काम करणार असून तक्रारी, त्यानुसार रुग्ण, नातेवाइकांना मदत आणि सुमदेशनही करणार आहेत. तसेच, रुग्णांची प्रकृती जाणून घेण्यासाठी नातेवाइकांकरिता ‘जम्बो’च्या आवारात स्वतंत्र कक्ष उभारला आहे.

देशभरातील इतर बातम्या वाचण्यासाठी येथे क्लिक करा