खडकवासला - हिंदू जनजागृती समितीने मानवी साखळी करून  धूलिवंदनानिमित्त खडकवासला जलाशयाचे रक्षण केले. समितीच्या साधकांनी गुरुवारी सकाळी ९ वाजल्यापासून सायंकाळपर्यंत ही मोहीम राबविली.

श्रीकृष्णाच्या प्रतिमेचे पूजन व जलदेवतेची प्रार्थना करण्यात आली.  हभप विद्यानंद सांगळे महाराज, उपसरपंच सीमा मते, शांताराम मते, पाटबंधारे विभागाचे धुंडीराम भागवत, ग्रामपंचायत सदस्य आशा मते, हभप ज्ञानेश्‍वर महाराज मते, हभप दशरथ मते, सनातन संस्थेचे प्रा. विठ्ठल जाधव, हिंदू जनजागृती समितीचे पराग गोखले आदी उपस्थित होते. गेल्या १७ वर्षांपासून धूलिवंदन व रंगपंचमीला ही मोहीम राबवली जाते. खडकवासला, गोऱ्हे बुद्रुकचे ग्रामस्थ, पर्यावरणप्रेमी, कमिन्स इंडिया लिमिटेडचे कर्मचारी सहभागी होत आहेत. सदस्यांनी प्रबोधनात्मक फलक हाती घेतले होते. एकही रंग खेळलेला नागरिक धरणाच्या पाण्यात उतरला नाही. रंगाने माखलेल्या युवक-युवतींना परत पाठविले. हवेली पोलिस ठाण्याचे अभियानाला सहकार्य लाभले.

रंगपंचमीला (२५ मार्चला) पुन्हा हे अभियान राबवण्यात येणार आहे. पाटबंधारे विभागाने धरण परिसरात पाणी दूषित न करण्याचे आवाहन केले.

सामाजिक बांधिलकी म्हणून हे अभियान राबवण्यात येत आहे. धर्मशिक्षणाच्या अभावी सणांच्या निमित्ताने उत्सवांमध्ये शिरलेले अपप्रकार दूर होण्याची गरज आहे.
- पराग गोखले, हिंदू जनजागृती समिती