कँटोन्मेंट : आद्यक्रांती गुरू लहुजी वस्ताद साळवे यांच्या २२८व्या जयंती निमित्त पूर्वसंध्येला मातंग एकता आंदोलनच्या वतीने भवानी पेठेतील जन.अरुण कुमार वैद्य स्टेडियम येथे करण्यात आला. कार्यक्रमाचे उद्घाटन संस्थापक अध्यक्ष रमेश बागवे यांच्या हस्ते करण्यात आले. यावेळी रमेश बागवे म्हणाले की, या देशाला स्वातंत्र्य मिळविण्यासाठी सर्वात मोठे आद्य क्रांती गुरू लाभले आहे. त्यांचे ध्येय म्हणजे जगेल तर देशासाठी मरेल तर देशासाठी अशा प्रखर राष्ट्र प्रेम असणाऱ्या महापुरुषाने अनेक क्रांतिकारक घडवले आहे. आजच्या पिढीने त्यांचे विचार आत्मसात करण्याची खरी गरज आहे. आज त्यांच्या क्रांतीचा विचार करता राज्य व देश पातळीवर त्यांचा यथोचित गौरव किंवा स्मारक उभे करण्यात आली नाही नसल्याची खंत ही यावेळी बागवे यांनी व्यक्त केली.

यावेळी कार्याध्यक्ष अविनाश बागवे यांनी कार्यक्रमाचे संयोजन केले. यावेळी छाया लांडगे यांनी काढलेली रांगोळी ही अनेकांचे लक्ष वेधून होती. दिपोस्त्वानंतर फटाक्यांची मोठी आतिषबाजी करण्यात आली. याप्रसंगी मातंग समाजाचे जेष्ठ नेते अंक्कल सोनावणे, विठ्ठल थोरात, अध्यक्ष पुणे शहर अध्यक्षा ॲड राजश्री अडसुळ, पुणे शहर महिला अध्यक्षा सुरेखा खंडाळे, अरुण गायकवाड, मधुकर चांदणे , संजय साठे, दयानंद अडागळे, सुनिल बावकर, मारुती कसबे, रोहीत अवचिते , हुसेन शेख, सचिन वाघमारे, लक्षमण चव्हाण, अदित्य गायकवाड, आदी व मान्यवर व महीला मोठ्या संख्खेने उपस्थित होत्या.