वाघोली - मांजरी खुर्द, आव्हाळवाडी व कोलवडी  परिसरात बिबट्याचा वावर दिसून येत असल्याने या गावातील ग्रामस्थ भीतीच्या छायेखाली वावरत आहे. ग्रामस्थांनी सतर्कता बाळगावी असे आवाहन पुणे वन विभागाने केले आहे. मंगळवारी रात्री तर बिबट्याचे दर्शनच झाले.

One Plus 8 - जबरदस्त डिस्प्लेसह आकर्षक फीचर्स

मांजरी खुर्द परीसर, कोलवडी भालसिंग वस्ती, शितोळे वस्ती परीसरात बिबट्याचा वावर अनेक दिवसांपासून आहे.या परिसरात अनेक प्राण्यांवर त्याने हल्ला केला आहे. मांजरी खुर्द परिसरात पिंजरही लावण्यात आला होता. मात्र त्याने गुंगारा दिला. मांजरी खुर्द मधील माहेर संस्था रोड (पवार वस्ती मार्ग) परीसरात कुटे यांच्या म्हशीच्या गोठया जवळ मंगळवारी रात्री काही ग्रामस्थ शेतात चारचाकी वाहनाने विहिरीवर पाण्याची मोटार बंद करण्यासाठी जाताना ग्रामस्थांना बिबट्याचे प्रत्यक्ष दर्शन झाले.त्यांनी त्याचा व्हिडिओही घेतला. कोरोनाच्या या संकट काळात नागरिकांना बिबट्याचीही भीती आहे. या परिसरात पिंजरा लावून त्याला पकडावे अशी मागणी ग्रामस्थ करीत आहेत.