पुणे : यशवंतराव चव्हाण नाट्यगृहातील दुर्घटनेत विजय महाडिक यांचा मृत्यू झाल्याने पुण्यातील नाट्यकर्मी आणि नाट्यपरिषदेने महापालिकेला पत्र पाठवले आहे. तसेच मे महिन्यात नाट्यकर्मी, नाट्यनिर्माते, समीर हंपी, प्रवीण बर्वे, लता नार्वेकर, दिलीप जाधव इत्यादी  महाडिक यांच्या कुटुंबासाठी नाटकाचे प्रयोग करणार आहेत. त्यातून मिळणारा नफा महाडिक कुटुंबाला देणार आहेत. अशी माहिती कोथरूड नाट्य परिषदेचे अध्यक्ष सुनील महाजन यांनी दिली.

नाट्यकर्मींनी महापौरांना केलेल्या मागण्या-
- महाडिक कुटुंबापैकी एकाला महापालिकेत कामावर रूजू करावे.
- पुण्यातील नाट्यगृहे, कलादालने, सांस्कृतिक सभागृहे यांच्या अग्निशमन विद्युत बिल्डिंग व इतर कामाचे ऑडिट वेळच्यावेळी करावे
- कर्मचाऱ्यांची संख्या वाढावी तसेच त्यांना ड्रेसकोड द्यावा
- तांत्रिक, प्रथमोपचार पेटी व इतर साहित्य उपलब्ध असावे.