बारामती - खासदार सुप्रिया सुळे यांच्याशी चर्चा करताना अमोल भापकर.
बारामती - खासदार सुप्रिया सुळे यांच्याशी चर्चा करताना अमोल भापकर. 
पुणे

Maratha Kranti Morcha ...अन सुप्रिया सुळे रस्त्यावर मांडी घालून बसल्या

सकाळवृत्तसेवा

बारामती शहर - मराठा आरक्षणासह इतरही मुद्यांवर मुख्यमंत्र्यांनी संवेदनशील वागण्याची गरज आहे. सर्व महत्त्वाच्या या विषयांवर मुख्यमंत्र्यांनी तातडीने निर्णय घ्यावेत, अशी अपेक्षा खासदार सुप्रिया सुळे यांनी व्यक्त केली. 

मराठा आरक्षणासह इतरही मागण्यांसाठी मळद (ता. बारामती) येथील अमोल भापकर हा युवक बुधवारी पहाटेपासूनच भिगवण रस्त्यावरील महावितरणच्या टॉवरवर चढून बसला होता. सकाळी सव्वानऊच्या सुमारास सुळे घटनास्थळी आल्या. त्यांनी विनंती केल्यानंतर अमोल खाली उतरला व प्रशासनाने सुटकेचा निःश्वास टाकला. 

या नंतर पत्रकारांशी बोलताना सुळे म्हणाल्या, ‘‘मुख्यमंत्री व इतर मंत्री असंवेदनशील बोलतात, ही गोष्ट युवकांच्या मनाला लागते. त्यामुळे सर्वच जबाबदार मंत्री व इतरांनीही कोणत्याही समाजाबद्दल चुकीचे विधान करू नये. त्यामुळे सर्वांनीच शांततेने राहावे.’’ 

दरम्यान, मराठा आरक्षणासाठी अमोल भापकर स्वातंत्र्यदिनी भल्या पहाटेच महावितरणच्या टॉवरवर चढून बसला होता. या घटनेने पोलिसांसह प्रशासनाची झोप उडाली होती. सर्व मित्र व प्रमुखांनी विनंती करूनही अमोलचे मन वळविण्यात ते अयशस्वी ठरत होते. शेवटी खासदार सुप्रिया सुळे यांना विनंती केल्यावर त्यांनी क्षणाचाही विलंब न लावता घटनास्थळी धाव घेतली आणि अमोलला विनंती केली. सुळे यांची विनंती मान्य करून शेवटी अमोल खाली उतरला व सुळे यांच्या आश्वासनानंतर तीन तास सुरू असलेले हे नाट्य संपुष्टात आले.

...अन सुप्रिया सुळे रस्त्यावर बसल्या
अमोल भापकर याच्याशी चर्चा करण्याचे ठरल्यावर सुप्रिया सुळे टॉवर शेजारी असलेल्या रस्त्यावरच मांडी घालून खाली बसल्या. अमोल टॉवरवरून खाली उतरेपर्यंत त्या खाली बसून होत्या.

मुख्यमंत्र्यांनी साप सोडण्याचे विधान करून तसेच नोकऱ्या कुठे आहेत, असे विधान करून नितीन गडकरी यांनी मराठा समाजाला बदनाम केले आहे. आरक्षण मिळालेच पाहिजे.
- अमोल भापकर

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Arvind Kejriwal: "....म्हणून आम्ही केजरीवालांच्या जामिनाचा विचार करु शकतो"; सुप्रीम कोर्टाचा ईडीला इशारा

Supriya Sule : आईवर बोलला तर करारा जबाब देईन - सुप्रिया सुळे

Arvind Kejriwal : ''केजरीवाल अन् सिसोदिया यांच्याविरोधात एकसारखेच पुरावे कसे? सिंघवींचा सुप्रीम कोर्टात युक्तिवाद

Rahul Gandhi: राहुल गांधींनी रायबरेली निवडल्यानं निरुपम यांचा हल्लाबोल; म्हणाले, पळून गेले...

SRH vs RR, IPL 2024: 'भयानक अंपायरिंग...', हेडची बॅट हवेत होती असं सांगत माजी भारतीय क्रिकेटरने थर्ड अंपायरवर साधला निशाणा

SCROLL FOR NEXT