वालचंदनगर - मराठा समाजाच्या आरक्षणाची तातडीने अमंलबजावणी करण्यासाठी आज गुरुवार (ता. २६) ला इंदापूर तालुक्यातील निरवांगी, खाेरोची येथे कडकडीत बंद पाळण्यात आली. तर गोतोंडीमध्ये बंद पाळून बारामती-इंदापूर राज्यमार्गावरती रास्तारोको आंदोलन करण्यात आले. 

मराठा समाजाला आरक्षणाची तातडीने अंमलबजावणी करण्यासाठी तालुक्यामध्ये आंदोलने सुरु आहेत. आज नीरा नदी काठच्या निरवांगी व खोरोची गावातील नागरिकांनी कडकडीत बंद पाळून मराठा समाजाच्या आरक्षणाला पाठिंबा जाहीर केला. निरवांगी गावामध्ये युवकांनी रस्त्यावर टायर पेटवून निषेध व्यक्त केला. दोन्ही गावातील दुकाने बंद ठेवण्यात आली होती. गोतोंडी गावामध्ये ही बंद पाळून बारामती-इंदापूर राज्य मार्गावर रास्तारोको आंदोलन करण्यात आले. आंदोलनामध्ये गोतोंडी, शेळगाव, शिरसटवाडी, नलवडेवस्ती परीसरातील नागरिकांनी सहभाग घेतला. याप्रसंगी आंदोलनामध्ये जलसमाधी घेतलेल्या काकासाहेब  शिंदे यांना श्रध्दांजली वाहण्यात आली.

यावेळी वालचंदनगरचे पोलिस ठाण्याचे सहाय्यक पोलिस निरीक्षक अरविंद काटे, इंदापूर चे तहसीलदार श्रीकांत पाटील उपस्थित होते. 

आपण एका क्लिकवर ताजे अपडेट्स आपल्या मोबाईलमध्येही मिळवू शकता.

• 'ई सकाळ'चे अॅप डाउनलोड करण्यासाठी क्लिक करा.
• शेतीविषयीची अपडेट असलेले 'अॅग्रोवन' अॅप डाउनलोड करण्यासाठी ​क्लिक करा.
• राजकारणाची प्रत्येक घडामोड कळविणारे 'सरकारनामा' अॅप डाउनलोड करण्यासाठी क्लिक करा.