चास, ता. २७ : वाडा ( ता. खेड ) येथील कर्मवीर भाऊराव पाटील विद्यालय व ॲड. राम जनार्दन कांडगे कनिष्ठ महाविद्यालयात मराठी भाषा गौरव दिन साजरा करण्यात आला. यावेळी मुख्याध्यापक किशोर पवार यांनी विद्यार्थ्यांना मार्गदर्शन केले.
वि. वा. शिरवाडकर उर्फ कुसुमाग्रज यांच्या जन्मदिवस मराठी भाषा गौरव दिन म्हणून साजरा करण्यात येतो. त्याचाच एक भाग म्हणून कर्मवीर भाऊराव पाटील विद्यालय व ॲड. राम जनार्दन कांडगे कनिष्ठ महाविद्यालयात मराठी भाषा दिन उत्साहात साजरा केला.
याप्रसंगी ज्येष्ठ शिक्षक पराम शिवदास, काळू ढेंगळ, गुरुकुल विभाग प्रमुख विलास लोखंडे, उमेश कोळी, योगेश सोनवणे, प्रकाश साबळे, शीतल कानडे, माया घोटेकर, लक्ष्मी गोंदके, जयश्री गुरव, दीपाली मुळूक झंजरे उपस्थित होते. परवीन इनामदार यांनी सूत्रसंचालन केले. सुदाम असवले यांनी आभार मानले.