KOE26B01006
कोळा (ता. सांगोला) : येथील कोळा विद्यामंदिरात कविश्रेष्ठ वि. वा. शिरवाडकर तथा कुसुमाग्रज यांच्या प्रतिमेस पुष्पहार अर्पणप्रसंगी शिक्षक.

कोळा विद्यामंदिरात मराठी गीतांचे सादरीकरण
...........
कोळा : सांगोला तालुक्यातील कोळा विद्यामंदिर हायस्कूल व ज्युनिअर कॉलेजमध्ये मराठी राजभाषा दिन उत्साहात संपन्न झाला. यावेळी विद्यार्थ्यांनी मराठी गीतांचे सादरीकरण केले. तर मुख्याध्यापक श्रीकांत लांडगे यांनी वि. वा. शिरवाडकर तथा कुसुमाग्रज यांच्या प्रतिमेस पुष्पहार अर्पण करण्यात आले. मराठी भाषा टिकली तर मराठी माणूस टिकेल, भाषा आपणास सुसंस्कृत आणि सजग बनविते. भाषेमुळे स्व-विकास होऊन व्यक्तिमत्त्व विकासास चालना मिळते असे प्रतिपादन प्रशालेतील मराठी विषय शिक्षक प्रभुलिंग तेली यांनी आपल्या प्रास्ताविकातून व्यक्त केले. यावेळी मराठी विषय शिक्षकांचा मान्यवरांच्या हस्ते सत्कार संपन्न झाला. याप्रसंगी इयत्ता सहावीमधील समृद्धी देशमुख, वैष्णवी बजबळकर, आराध्या बजबळकर या विद्यार्थिनींनी मराठी गीत गायन केले. यावेळी प्रशालेतील सर्व शिक्षक-शिक्षिका व शिक्षकेतर कर्मचारी, विद्यार्थी उपस्थित होते. कार्यक्रमाचे सूत्रसंचालन मारुती सरगर यांनी तर ज्ञानेश्वर सांगोलकर आभार यांनी मानले.