पुणे - शहरातील शनिवार पेठ भागात आज (बुधवार) सकाळी एका युवकाकडून आपल्या आई-वडिलांचीच गळा चिरून हत्या केल्याची धक्कादायक घटना उघडकीस आली आहे.

मिळालेल्या माहितीनुसार, शनिवार पेठेत राहत असलेल्या पराग प्रकाश क्षीरसागर (वय 30) या युवकाने आई आशा प्रकाश क्षीरसागर (वय 55) आणि प्रकाश क्षीरसागर (वय 60) यांची गळा चिरून हत्या केली. हे प्रकरण उघडकीस आल्यानंतर विश्रामबाग पोलिस ठाण्यात माहिती देण्यात आली.

पोलिसांनी आरोपी पराग क्षीरसागरला अटक केली असून, अधिक चौकशी करण्यात येत आहे. या हत्येमागील नेमके कारण समजू शकले नाही.