पुणे : कोरोनाबाधित रुग्णाला उपचारासाठी बेड मिळत नसल्याचा आरोप करत महाराष्ट्र नवनिर्माण सेनेच्या नगरसेवकांनी सोमवारी (ता.२७) पुणे महापालिकेच्या मुख्य इमारतीत बेड टाकून निषेध आंदोलन केले.

पुण्यात दिवसेंदिवस कोरोनाची रुग्णसंख्या वाढत असताना प्रशासनाकडून पुरेशा सुविधांचा पुरवठा केला जात नाही. तसेच शहरातील रुग्णांना उपचारासाठी बेड मिळत नसल्याच्या घटना वारंवार घडत आहेत. उपचारात हलगर्जीपणा होत असल्याचा आरोप करत महाराष्ट्र नवनिर्माण सेनेचे नगरसेवक वसंत मोरे आणि साईनाथ बाबर यांनी पुणे महापालिकेच्या मुख्य इमारतीत बेड टाकून आंदोलन केले.

- सनदी लेखापालांसाठी दिलासादायक बातमी; कोरोना उपचारासाठी मिळणार आर्थिक मदत!​

दुसरीकडे, पुणे महापालिकेने आतापर्यंत कोरोनासाठी २०० कोटी रुपये खर्च केल्याचा दावा केला आहे. मग २०० कोटी रुपये खर्च झाले असताना अजूनही सर्वसामान्य नागरिकांना बेडसाठी हॉस्पिटलबाहेर रांगा लावाल्या लागत आहेत. बेडच्या प्रतिक्षेत त्यांना रस्त्यावर ताटकळत बसावे लागत आहे. त्यांच्यासाठी रुग्णालयात बेड का उपलब्ध होत नाहीत? 

पुणे महापालिकेने ज्या रुग्णालयांसोबत करार केला आहे, ती रुग्णालये अक्षरशः लॉजिंग अँड बोर्डिंग झाली असल्याचा आरोपही वसंत मोरे यांनी केला आहे. त्यामुळे प्रशासनाने वेळीच जागं व्हावं आणि महापालिकेसोबत करार असलेल्या खाजगी रुग्णालयात गरजू रुग्णांना कसे बेड मिळतील, यासाठी प्रयत्न करावेत, अशी मागणी वसंत मोरे यांनी यावेळी केली.

- काय सांगता? दुकानदाराला छत्री पडली पावणे दोन लाखाला!

- पुण्याच्या बातम्या वाचण्यासाठी येथे क्लिक करा

(Edited by : Ashish N. Kadam)